Tuesday, July 21, 2015

இளமை

இளமை 
சுவையை நாக்கு உணரும் முன்பே
              கரைந்து உள்ளே போய் விட்ட இனிப்புப் பண்டம்
மணம் காற்றில் கலப்பதற்கு முன்பே
              வாடி விட்ட வாச மலர்
கேள்வித்தாளை படித்துப் புரிந்து கொள்ளும் முன்பே
              நேரம் முடிந்து  விட்ட பரீட்சை
உள்ளே போய் நுரையீரலைத் தொடு முன்பே
              வெளியேறி விட்ட மூச்சுக்காற்று
மண் ஈரமாகும் முன்பே
              பெய்து ஓய்ந்து விட்ட பருவ மழை
டைட்டில்களிலேயே
              முடிந்து விட்ட திரைப்படம்
லயித்து அனுபவிக்கு முன்பே
              சட்டென்று கலைந்து விட்ட இன்பக் கனவு
பெல்டைக் கட்டிக்கொள்ளும் முன்பே
              முடிந்து விட்ட விமானப் பயணம்
முதல் தேதியிலேயே
              கரைந்து விட்ட மாதச் சம்பளம்
ஆடியிலேயே
              வற்றி விட்ட ஆற்றுப் பேருக்கு
பௌர்ணமிக்கு முன்பே
              தேய்ந்து மறைந்து விட்ட வளர்பிறை நிலவு. 

No comments:

Post a Comment