உள்ளே
ஒரு பெண்ணின் தீனமான அழுகுரல்
முகமூடி மனிதர்களின் பரபரப்பு அசைவுகள்
கைகளில் ஆயுதங்களுடன்
வெளியே
கூண்டில் அடைபட்ட புலிகளாய்க்
குறுக்கும், நெடுக்கும் அலைந்து
கையைப் பிசைந்து நிற்கும் உறவுகள்
உள்ளே
சன்னமான குரலில் இன்னொரு அழுகுரல்
முன்பு ஒலித்த அழுகுரலை அடக்கி.
முகமூடி மனிதர்களின் முறுவல்களை
முகமூடிகள் விழுங்கி விடக்
கண்கள் வழியே வெளிப்படும் மலர்ச்சி
வெளியே
விடுதலை பெற்ற கூண்டுப் புலிகள்
கவலை மேகங்கள் கலைந்த முகங்களுடன்
நற்செய்தி தாங்கி வெளி வரப் போகும்
மருத்துவரின் வருகையை
எதிர்நோக்கிக் காத்திருக்கும்.
No comments:
Post a Comment