முயற்சி முடியலாம் தோல்வியில் - விடா
முயற்சி என்றும் விடியும் வெற்றியில்
சேர்த்த செல்வம் கரையலாம் உப்பைப் போல்
பகிர்ந்த செல்வம் பல்கிப் பெருகும் எந்நாளும்.
உறவுகள் முறியலாம் தவறான புரிதலால்
உரிமையில் விளைந்த நட்பு என்றும் முறிவதில்லை.
கழுதை தேய்ந்து சிறுக்கலாம் கட்டெறும்பாய்
களிறு சுருங்காது தன் குன்றனைய உருவிலிருந்து.
உடல் ஓய்ந்து சோரலாம் மூப்பினால் - ஆயின்
மனம் என்றும் ஒளிரும் மங்கா விளக்காய்.
No comments:
Post a Comment